دادگای باڵای ئەمەریكا تۆمەتی خستەپاڵ ئەفسەرێكی پێشووی سوپای وڵاتەكەی كە هەوڵی داوە لە توركیاوە پەیوەندی بە رێكخراوی داعش لە سوریا بكات.

دەسەڵاتدارانی توركیا ئەفسەرێكی سەربازیی هێزی ئاسمانیی ئەمەریكا بە ناوی تایرۆت ناسان لە مانگی كانوونی دووەم دەستگیركرد كە هەوڵی دابوو لەو وڵاتەوە بۆ پەیوەندی‌كردن بە رێكخراوی داعش بپەڕێتەوە سوریا، پاشان رەوانەی ئەمەریكا كرایەوە.

بەپێی ئەوەی وەزارەتی دادی ئەمەریكا راگەیاندووە، دادگای ئەمەریكا ناسانی بەوە تۆمەتبار كرد كە هەوڵی داوە هاوكاری ماددی پێشكەش بە رێكخراوی داعش بكات.