رۆژێک پێش دەستپێکردنی هەڵبژاردن لە 16ی ئادار لە میانەی هەڤپەیڤینێکیدا لەگەڵ رۆژنامەیەکی ئیسرائیلی، سەبارەت بەکارەکانی داهاتووی خۆی لە کاتی بردنەوەی هەڵبژاردنەکەدا، ناتانیاهۆ ئاماژەی بەوە کردووە، کە ئەو بەهیچ جۆرێک رێگە بەوە نادات دەوڵەتێکی فەڵەستینی هەبێت.

بنیامین ناتانیاهۆ، سەرۆکوەزیرانی ئیسرائیل، کە پارتەکەی یەکێکە لە رکابەرە سەرەکییەکانی هەڵبژاردنەکە، هەوڵی ئەوە دەدات بۆ جاری چوارەم و سێیەمین جار لەسەریەک پۆستی سەرۆکوەزیرانی ئەو وڵاتە بەدەستبهێنێ.

ناتانیاهۆ رایگەیاند، "ئەوانەی داوادەکەن دەوڵەتێکی فەڵەستینی دابمەزرێت و ئیسرائیلییەکان لەو ناوچەیە بکشێنەوە کە دەیانەوێت وەک خاکی ئەو دەوڵەتە فەڵەستینییە دەستنیشانی بکەن، ئەوا بەو کارە وادەکەن، خاکی ئیسرائیل ببێتە شوێنێکی مەترسیدار بۆ هێرشی گرووپە ئیسلامییە تووندڕەوەکان و هەموو چالاکییەکانیش دژ بە دەوڵەتی ئیسرائیل دەبێت".

ناتانیاهۆ زۆر بەتووندی دژ بە بیرۆکەی دامەزراندنی دەوڵەتی فەڵەستینی قسەی کرد و گوتی "ئەوانەی ئەم راستییە دەشارنەوە سەری خۆیان لەناو لم ناوە و نایانەوێت راستییەکان ببیستن".




روداو