ئەحمەد مەساری گوتەبێژی سوپای لیبیا ڕای گەیاند كه‌ چەكدارانی داعش لەو وڵاتە 8 كرێكاری بیانییان سەربڕیوون، كە بەر لە هەفتەیەك لە هێرشێكدا بۆ سەر كێڵگەیەكی نەوت رفێندرابوون.

مەساری گوتیشی: هەفتەی رابردوو چەكدارانی داعش نۆ كرێكاری بیانی كێڵگەی نەوتیان رفاندن رۆژی رابردووش، 8 لەو نۆ كرێكارانەیان سەربڕیین و روونیشیكردەوە، یەكێك لە شایەتحاڵەكان كە هاوكات كرێكاری كێڵگە نەوتییەكە بووە، لەكاتی سەربڕینی 8 كرێكارەكەدا تووشی جەڵتەی دڵ بووە و بەو هۆیەشەوە مردووە.

دەسەڵاتدارانی فلیپینی و نەمساوی رفاندنی نۆ هاووڵاتی وڵاتەكانیان راگەیاند، كە لە كاتی هێرشێكی چەكدارانی داعشدا بۆ سەر كێڵگەی غانی نەوتی رفاندبوونیان.