ئیسرائیل لەو ڕۆژانەدا لە ئاسمانەوە حیزبوڵای لە سووریا کوتابوو، لەو ئاسمانەهێرشەدا ژەنەراڵێکی پاسدارە ئێرانیەکان بەرکەوتوە و، کوژراوە.

بی‌بی‌سی لە ڕاپۆرتێکدا نووسیویەتی: "محەمەدعەلی ئەڵڵادادی، ژەنەراڵێکی سپای پاسدارانی ئێران لە سووریا، بە ئاسمانەهێرشێکی ئیسرائیل کوژراوە."
پێگە فەرمییەکانی ئێران کوژرانی بەرپرسەکەیانیان لە سووریا پشتڕاست کردووەتەوە و، لەو بارەیەوە گوتیان ئەو لەوێ بووە تا یارمەتیی ڕاوێژکاری بداتە هێزەکانی پاڵپشتی بەشار ئەسەد و، گەلانی سووریا، بۆ ئەوەی بتوانن ڕووبەڕووی تیرۆریستە سەلەفیە تەکفیریەکان ببنەوە."
حزبوڵڵای لوبنانیش لەو بارەیەوە گوتی: "ئەو کاتەی ژەنەراڵ محەمەد بەرەو پارێزگای قنەیتەرە ڕۆیشتووە، هێلیکۆپتەرێکی ئیسرائیل بە سارۆخ هێرشی کردووەتە سەر کاروانی ترۆمبێلەکانی و، لەئاکامدا خۆی و، شەش پاسەوانی کوژراون؛ بەرپرسێکی حزبوڵڵایش لەوێ کوژراوە."
میدیاکانی جیهان چاوەڕوانی کاردانەوەن، ئاخۆ ئێران و حزبوڵڵا تا چەند دەیانەوێت تۆڵە بستێننەوە.