به‌ره‌به‌یانى ئه‌مڕۆ پێنج شه‌ممه‌ ئۆتۆمبێلێكى هه‌ڵگرى هێزه‌كانى سوپاى ئه‌فغانستان له‌ ڕۆژئاواى شارى كابۆل له‌ لایه‌ن تیرۆیستێكى خۆكوژ ته‌قێنرایه‌وه‌ كه‌ له‌ ئاكامدا شه‌ش كه‌س كوژران و چوارده‌ كه‌سیش بریندار بوون.

محه‌ممه‌د ئه‌یوب سالنگى جێگرى وه‌زاره‌تى ناوخۆ و سه‌رپه‌رشتى ئه‌و وه‌زاره‌ته‌ ڕایگه‌یاند: كه‌ تیرۆریسته‌ خۆكوژه‌كه‌ له‌ ناوچه‌ى ته‌ره‌ خه‌لیل ئۆتۆمبێلێكى هه‌ڵگرى سوپاى ئه‌فغانستانى كردووه‌ته‌ ئامانج.

له‌ لایه‌كى تر حشمه‌ت وڵلا ئۆستانكزى گووته‌بێژى فه‌رمانده‌یى پۆلیسى كابۆل ڕایگه‌یاند:كه‌ له‌و ڕووداوه‌دا ده‌ سه‌ربازو سێ كه‌سى مه‌ده‌نى بریندار بوون. شایه‌نى باسه‌ چه‌كدارانى تاڵیبان ئه‌و هێرشه‌یان له‌ ئه‌ستۆ گرووه‌.