چه‌كدارانی هێزه‌كانی ئۆپۆزسیۆن له‌ سوریا رایانگه‌یاند كه‌ توانیویانه‌ ئه‌م گه‌مارۆیه‌ی سه‌ر شارۆچكه‌ی مه‌لیحه‌ی ده‌وروبه‌ری دیمه‌شق بشگێنن ، له‌لایه‌كی دیكه‌وه‌ فرۆكه‌ جه‌نگییه‌كانی ئیسرائیل شاری به‌عسی له‌ ده‌وروبه‌ری شاری لازقییه‌ بۆردومانكرد . چه‌كدارانی ئۆپۆزسیۆن دوای ئه‌وه‌ی هیرشێكی توندیان دژ به‌ هێزه‌كانی رژێم ئه‌نجامدا به‌تایبه‌تی له‌ كارگه‌ی مه‌تات و مزگه‌وتی دالاتی و رێگه‌ی غوته‌ له‌ ده‌وروبه‌ری شارۆچكه‌ی مه‌لیحه‌ توانیان هێزه‌كانی رژێم له‌ ناو كارگه‌ی مه‌تات گه‌مارۆ بده‌ن و رێگه‌ بۆ ئه‌و گه‌مارۆیه‌ی هێزه‌كانی رژێم بكه‌نه‌وه‌ له‌م شه‌رو پێكداده‌نشدا ژماره‌یه‌ك له‌ سه‌ربازانی رژێم كوژران .

له‌ چه‌ند ناوچه‌ی دیكه‌ له‌ سه‌رتاسه‌ری سوریا شه‌رو پێكدادانه‌كان به‌رده‌وامی هه‌یه‌ و دوێنێش زیاتر له‌ سی و هه‌شت كه‌س كوژران كه‌ زۆربه‌یان له‌ش اری حه‌له‌ب بوون . له‌لایه‌كی دیكه‌ به‌پێی گوته‌ی چالاكوانان هێزه‌كانی ئۆپۆزسیۆنی سوریا رایگه‌یاند كه‌ فرۆكه‌ جه‌نگیه‌كانی ئیسرائیل هێرشێكی ئاسمانی بۆ سه‌ر هێزه‌كانی رژێم له‌ش اری به‌عس ئه‌نجامدا و باره‌گای لیوای نه‌وه‌ت و پارێزگاری شاره‌كه‌ی كرده‌ ئامانج ، هێرشه‌كه‌ش بووه‌ هۆی كوژران و بریندار بوونی ژماره‌یه‌ك و زیانی مادی گه‌وره‌شی لێكه‌وته‌وه‌ . ئه‌م هێرشه‌ی ئیسرائیل وه‌ڵامدانه‌وه‌ی كه‌وتنه‌ خواره‌وه‌ی ژماره‌یه‌ك گولله‌ هاوه‌ن بوو له‌ ناوچه‌ی جۆلان كه‌ هێزه‌كانی رژێم له‌ نزیك ئه‌م ناوچه‌یه‌ نیشته‌جێن