ده‌سته‌ڵاتدارانی ئه‌ڵمانیا كارمه‌ندێكی ده‌زگای هه‌واڵگری ده‌ره‌وه‌ی وڵاته‌كه‌یان به‌ تۆمه‌تی سیخوڕی ده‌ستگیركرد و دانی به‌وه‌ دانا كه‌ بۆ ئه‌مریكا كار كردووه‌. به‌ پێی هه‌واڵی سایتی شپیگڵ ئۆنلاینی ئه‌ڵمانی دادگای فیدڕاڵی ئه‌ڵمانیا دۆسیه‌ی لێكۆڵینه‌وه‌ی له‌ باره‌ی كارمه‌ندێكی ده‌زگای هه‌واڵگری ده‌ره‌وه‌ی ئه‌ڵمانیا بی ئێن دی ئاماده‌ كردووه‌ به‌ تۆمه‌تی سیخوڕیكردن بۆ ئه‌مریكا.

دوای ئاماده‌كردنی دۆسیه‌كه‌ تۆمه‌تبار ده‌ستگیركرا و دادگا بریاری زیندانیكردنی بۆ ده‌ركرد. له‌ هه‌واڵه‌كه‌دا هاتووه‌ سیخوڕه‌كه‌ دانی به‌وه‌ داناوه‌ كه‌ به‌رامبه‌ر پاره‌ كاری سیخوڕی بۆ ئه‌مریكا كردووه‌ و داوای لێكراوه‌ زانیاری كۆبكاته‌وه‌ له‌سه‌ر كاره‌كانی كۆمسیۆنی ئاسایشی نیشتمانی سه‌ر به‌ په‌رله‌مانی فیدراڵی ئه‌ڵمانیا. به‌مه‌ش چاوه‌ڕێ ده‌كرێ په‌یوه‌ندیه‌كانی ئه‌مریكا و ئه‌ڵمانیا ئاڵۆزی تێبكه‌وێت.