كۆشكی سپی: دابه‌شبوونی عیراق ئه‌سته‌م نییه
له كۆنگره‌یه‌كی رۆژناوانیدا، جۆش ئێرنێست، وته‌بێژی كۆشكی سپی باسی له ئه‌گه‌ری دابه‌شبوونی عیراقی كرد بۆ سه‌ر سێ هه‌رێمی شیعه‌و سوننه‌و كورد و پێی وابوو كارێكی ئه‌سته‌م نییه ئه‌و بیرۆكه‌یه كاری له‌سه‌ر بكرێت.
ئێرنێست پێی وایه كه رێكخستنی نه‌خشه‌ی سیاسی ئه‌م وڵاته ئه‌ركێكه له ئه‌ستۆی سه‌ركرده‌كانیه‌تی رایگه‌یاند: "من له‌و پۆسته‌دا نیم كه پڕۆژه بۆ چاكسازی له نه‌خشه‌ی سیاسی عیراق بخه‌مه به‌رده‌ست".
هه‌روه‌ها راشیگه‌یاند: راسته‌وخۆترین رێگه‌چاره بۆ ئه‌و كێشانه‌ی به‌هۆی گروپی داعش-ه‌وه هاتونه‌ته‌وه ئاراوه بریتییه له یه‌كخستنی سه‌ركردایه‌تی و ئایدۆلوژی سیاسیی عیراقییه‌كان.
له باره‌ی مانشێتێكی گۆڤاری (تایم)ه وه كه باسی له دابه‌شبوونی عیراق ده‌كات رایگه‌یاند: "بیرۆكه‌ی دابه‌شبوونی عیراق نوێ نییه، به‌ڵام دۆزینه‌وه‌ی رێگه‌چاره بۆ كێشه ناوخۆییه‌كان ده‌بێت له لایه‌ن عیراقییه‌كان خۆیانه‌وه بێت".
له‌ئێستادا زۆرێك له پارێزگا سوننه‌كان له لایه‌ن چه‌كدارانی ده‌وڵه‌تی ئیسلامی له عیراق و شامه‌وه كۆنتڕۆڵ كراون و تا راده‌یه‌ك عیراق بۆ سێ هه‌رێم دابه‌ش بووه.
له ئینگلیزییه‌وه: ماردین عوزێری
سه‌رچاوه: TIME
خه‌ندان ـ
