گه‌وره‌ترین فڕۆكه‌خانه‌ی پاكستان هێرشی كرایه‌سه‌ر
عه‌بدوڵا به‌حر، سه‌ركرده‌ی بزووتنه‌وه‌ی تالیبان-ی پاكستان به‌رپرسیارێتیی له هێرشه‌كه‌ی سه‌ر فڕۆكه‌خانه‌ی كه‌راچی راگه‌یاند و ئاشكرایكرد كه له تۆڵه‌ی كوژرانی حه‌كیموڵا مه‌حسود-ی سه‌ركرده‌ی پێشووی بزووتنه‌وه‌كه‌یه كه له مانگی تشرینی دووه‌می رابردوو له رێگه‌ی فڕۆكه‌یه‌كی بێ فڕۆكه‌وانی ئه‌مریكاییه‌وه كوژرا.
سه‌ركرده‌كه‌ی بزووتنه‌وه‌ی تالیبان به‌ڵێنی هێرشی زیاتری دا و وتی: "تا له‌ژیاندا بین هێرشه‌كانمان تا كۆتایی ته‌مه‌ن به‌رده‌وام ده‌بێت."
سه‌رله‌به‌یانیی ئه‌مرۆ دووشه‌ممه، 10 چه‌كداری بزووتنه‌وه‌ی تالیبان به پشتێنی بۆمبڕێژكراو و بۆمبی ده‌ستی، هێرشیان كرده سه‌ر به‌شی باركردنی كه‌لوپه‌ل له فڕۆكه‌خانه‌ی كه‌راچی و به‌هۆیه‌وه 28 كه‌س كوژران و 24ی دیكه‌ش برینداربوون.
