دەسەڵاتی سەربازی تایلاند دوای كودەتا سەربازییەكەی مانگی پێشوو، بڕیاردەدات دڵی دانیشتو‌وانی وڵاتەكەی ئاشت بكاتەوە و بۆ ئەو مەبەستە هێزێكی تایبەت لە كیژانی شۆخوشەنگ پێكدەهێنێت.

هێزەكە هەڵمەتێكی فراوانیان دەستپێكردووە كە پێی دەڵێن "هەڵمەتی بەختەوەری"، شار و شارۆچكەكانی تایلاند دەگەڕێن بۆ پێشكەشكردنی خزمەتگوزاری سەرتاشی و دابەشكردنی خواردن بەبێ بەرامبەر.

هاوكات كیژەكان گۆرانی دەڵێن و سەما دەكەن بۆ گەڕاندنەوەی بەختەوەری بۆ گەلی تایلاند.

رۆژی 22-5-2014 جەنەرال پرایس كودەتایەكی سەربازی ئەنجامدا و حكومەتی ئەو وڵاتەی لەسەر كار لابرد.





رووداو