شه‌ڕو پێكدادان له‌ نێوان سوپای رژێم و سوپای ئۆپۆزسیۆن به‌رده‌وامی هه‌یه‌ ، به‌تایبه‌تی دوێنێ شه‌رێكی توند له‌ ده‌وروبه‌ری شاری لازقییه‌ روویدا و هێزه‌كانی سوپای ئازاد شه‌وی رابردوو فرۆكه‌خانه‌ی حمێمیمیان بۆردومان كرد ، هه‌ر له‌ هه‌مان شاردا شه‌رو پێكدادان له‌ شارۆچكه‌ی كه‌سه‌ب كه‌وته‌وه‌ .

به‌پێی گوته‌ی سوپای رژێم چه‌ندین ناوچه‌ی له‌ ده‌وروبه‌ری لازقییه‌ی باكوور كۆنترۆڵ كردووه‌ كه‌ گرنگیه‌كی ستراتیژی گه‌وره‌ی هه‌یه‌ .

له‌ پێكدادانه‌كانی شارۆچكه‌ی كه‌سب و گوندی غه‌ممام و نه‌بع مور و سه‌خره‌ و شارۆچكه‌ی سه‌لما و سه‌مرا له‌ هه‌ردوولا ژماره‌یه‌ك كوژراوی لێكه‌وته‌وه‌.

پارێزگای ده‌رعش به‌ هه‌مان شێوه‌ شه‌رو پێكدادانێكی توند تیایدا روویدا به‌ تایبه‌تی له‌ باشووری شارۆچكه‌ی به‌سرای شام .

له‌ حه‌له‌ب باكووری رۆژئاوای سوریا چه‌ند ناوچه‌یه‌ك كه‌وتنه‌ به‌ر بۆردومانی تۆپ و فرۆكه‌ جه‌نگیه‌كانی هێزه‌كانی رژێم به‌ تایبه‌تی شارۆچكه‌ی حه‌یان و گوندی ته‌ل سوسین له‌ ئاكامی ئه‌م بۆردومانانه‌دا ژماره‌یه‌ك هاووڵاتی كوژران و برینداربوون .