نوێنەری سكرتێری گشتی نەتەوەیەكگرتووەكان لە عێراق، نیكۆلای میلادینیۆڤ، لە چاوپێكەوتنێكی تایبەتدا لەگەڵ كەناڵی ئەلعەرەبییە ئاماژەی بە كێشەكانی نێوان هەرێمی كوردستان و بەغدا كرد و رایگەیاند كە پێویستە بۆ چارەسەركردنی كێشەكان یاسای نەوت و غاز دابڕێژرێت و بە داخەوە پاش تێپەڕبوونی چەندین ساڵ هێشتا ئەمە بەدی نەهاتووە؛ زۆریش گرنگە یاسای نەوت و غاز دابڕێژرێ، چونكە نەوت موڵكی تەواوی عێراقییەكانە بە شێوەیەكی یەكسان.



هاوكات میلادینۆڤ سەبارەت بە پەسەندكردنی پڕۆژەیاسای بودجە رایگەیاند كە ئێستا لەو بارەوە دانوستان لە نێوان هەرێم و بەغدا بەڕێوە دەچێـت و پێویستە بە شێوەیەك پڕۆژەی بودجەی ساڵی دووهەزار و چواردە پەسەند بكرێت، كە هەمووان پشتگیریی بكەن .

نێردەی نەتەوە یەكگرتووەكان ئاماژەی بەوەش كرد كە ئەمەش كرد كە گرنگە كێشەكانی ئێستا، پێش هەڵبژاردنەكان، چارەسەریان بۆ بدۆزرێتەوە. لە بەشێكی دیكەی قسەكانیدا، میلادینۆڤ ئاماژەی دا كە عێراق بە هۆی هەڵبژاردنەكانەوە بە بارودۆخێكی نالەبار تێپەڕ دەبێت، روونیشی كردەوە كە دوای هەڵبژاردنیش بۆ پرسی پێكهێنانی حكوومەتی داهاتوو، دانوستانەكان، كاتی زۆریان دەوێت.