ماوەی دوو هەفتە زیاترە رۆژنامە جیهانییەكان باس لە ئەگەرەكان و چۆنیەتی ونبوونی فڕۆكە مالیزیەكە دەكەن، لە نوێترین بابەتیشدا لەم بارەیەوە، كە رۆژی یەك شەممە لە رۆژنامە جیهانیەكان بڵاوبووەتەوە باس لەو پەیوەندیە تەلەفۆنییە كراوە، كە فڕۆكەوانی فڕۆكە مالیزیەكە پێش چەند كاژێرێك لەگەڵ ژنێكی نەناسراودا كردوویەتی، كە ئەم ژنە سیمكارتێكی بەكارهێناوە كە بە ساختەیی كڕیویەتی.

رۆژنامەی دەیلی مەیل-ی بەریتانی نووسیویەتی لێكۆڵینەوەكان لە ونبوونی فڕۆكە مالیزیەكە بە 370 سەرنشینەكەیەوە بەردەوامن و لێكۆڵەرەوەكانیش ئێستا خەریكی وردبوونەوەن لە پەیوەندیەكی تەلەفۆنی، كە لە نێوان زەهاری ئەحمەد شا-ی فڕۆكەوانی فڕۆكەكە لەگەڵ ژنیكی نەناسراودا پێش هەڵفڕینی فڕۆكەكە ئەنجامدراوە بەر لە 16 رۆژ.

لێكۆڵەرەوەكان بە گرنگیەكی زۆرەوە لەم پەیوەندیە تەلەفۆنییەوە دەڕوانن دەیانەوێت ئەو ژنە بدۆزنەوە، كە پەیوەندیە تەلەفۆنییەكەی ئەنجامداوە. لەبەرئەوەی لە مالیزیا بەگوێرەی یاسا نابێت سیم كارتی مۆبایل بەبێ خاوەن بێت و دەبێت هەركەسێك سیم كارتێك دەكڕێت بەناوی خۆی بكات.







رووداو