بە پێی سەرچاوەکانی هەوڵ لە ڤێتنامەوە، بەرپرسێکی پلەبەرزی هێزەکانی دەریاوانیی ئەم وڵاتە رایگەیاند: فڕۆکە ونبووەکەی هێڵی ئاسمانیی مالیزیا بە ٢٣٩ گەشتیارەوە لە ئاوەکانی ڤێتنامدا لە دەریای باکووری چین کەوتووەتە خوارەوە.

بە پێی هەواڵێکی بی.بی.سی، وەزیری گواستنەوەی مالیزیا دەڵێت: هێشتا لاشەی فرۆکەکە نەدۆزراوەتەوە و راپۆرتەکان تا ئێستا راستی و نادروستیی ئەم رووداوەیان پشتڕاست نەکردووەتەوە.



ئەم فڕۆکەیە، کاتێک لەکۆالالامپۆری پایتەختی مالیزیاوە بەرەو "بیجینگ"ی پێتەختی چین دڕۆیشت، پێوەندیی لەگەڵ ئامێرەکانی چاودێری پچڕا و ون بوو.

یەكێک لە بەرپرسانی ناوەندی گەڕان و فریاکەوتنی دەریایی ڤێتنام، بە بی.بی.سی، گوتووە کەئەم فڕۆکەیە لە ئاخرین ساتەکانی ونبوونیدا لە سەر دەریای باشووری چین و لە مەودای دووسەت کیلۆمەتریدا لە سەر دوڕگەی "کامائۆ"ی ڤێتنامدا دیتراوە.

دوو پاپۆڕی ڕزگار کردن بە مەبەستی یارمەتیدان بۆ گەڕان و پشکنین رەوانەی ناوچەکە کراون.



بڕیاربوو فڕۆکەکە کاتژمێر ٦،٣٠ سەرلەبەیانیی ئەمڕۆ ٨ی مارس لە پایتەختی چین بنیشێتەوە. بەڵام دوو کاتژمێر دوای بەرزبوونەوەی پێوەندیی لەگەڵ زەویدا پچڕا.