سەرچاوەكانی هەواڵ لە ئەمەریكا بڵاویان كردەوە كە كۆنترین كۆنگرێسمانی ئەمەریكا كە بۆ ماوەی 58 ساڵە ئەندامی كۆنگرێسە شەوی ڕابردوو دەستلەكاركێشانەوەی خۆی لە پۆستەكەی راگەیاند .

دینگلی تەمەن 87 ساڵ كە نوێنەرایەتی ویلایەتی مێشیگان دەكات رایگەیاند،لەوە زیاتر چاوەڕوان ناكات و كۆنگرێس جێ دەهێڵێت و خۆشی دووبارە بۆ هەڵبژاردنەكانی داهاتوو كاندید ناكاتەوە. هەروەها گوتیشی كە 58 ساڵە ئەندامی كۆنگرێسی ئەمەریكایە.

جێی ئاماژەیە دینگل لە ماوەی ئەو 58 ساڵەی كە لە كۆنگرێس كاری كردووە ڕۆڵی هەبووە لە دەركردنی چەندین یاسای گرنگ و مێژوویی و هەروەها بۆ ماوەی 20 ساڵ سەرۆكی لیژنەی وزە و بازرگانی بووە لە ئەنجوومەنی نوێنەراندا.