بەهۆی پێكدادانی نێوان لایەنگرانی مورسی و هێزەكانی ئەمنی لە چەند شارێكی میسر دوای نوێژی هەینی 32 هاوڵاتی كوژران .

سەرچاوەكانی هەواڵ بڵاویان كردۆتەوە بەهۆی رێپێوان و ئەنجامدانی خۆپێشاندان لەدوای نوێژی هەینی لەلایەن لایەنگرانی محەمەد مورسی لەشارەكانی مەنیا لەباشورو دەمیات لە دەلتای میسر پێكدادانی نێوان هێزە ئەمنیەكان و خۆپێشاندەرانی لێكەوتەوە و بەهۆیەوە 32 كەس كوژران و یەكێك لەكوژراوەكان منداڵێكی دوازە ساڵانە.

پێگەی پارتی ئازادی و داد ی سەر بە گروپی ئیخوان موسلیمین لە میسر بڵاوی كردۆتەوە پۆلیسی ئەو ووڵاتە بۆ بڵاوەپێكردنی خۆپێشاندەران چەكی سەربازی لەچەند شارێك بەكارهێناوە جگە لەشارەكانی قاهیرەو سویس نەبیت كە گازی فرمێسكرێژی بەكارهێناوە.