بڕیارە ئەمڕۆ سەرۆك وەزیرانی توركیا رەجەب تەیب ئەردۆغان بەرەو ئەڵمانیا بەرێ بكەوێت. بە پێی لێدوانێكی چاپەمەنی سەرۆكایەتی ئەنجومەنی وەزیرانی توركیا، دوای نیوەڕۆی ئەمڕۆ سەرۆكوەزیرانی توركیا رەجەب تەیب ئەردۆغان سەردانی ئەڵمانیا دەكات.

ئەو سەردانەی ئەردۆغان لە سەر دەعوەتی راوێژكاری ئەڵمانیا ئەنگەلا مەركێلە، بڕیارە لەو سەردانەدا ئەردۆغان لە بەرلین لەگەڵ مەركێل كۆببێتەوە و باس لە پەیوەندییەكانی نێوان هەر دوولا بكەن. بێجگە لە پەیوەندییەكانی نێوان توركیا و ئەڵمانیا بڕیارە باس لە پرۆسەی بەئەندامبوونی توركیا لە یەكێتی ئەوروپا، چەندین پرسی هەرێمی و جیهانی بكرێت.

هەر لە چوارچێوەی ئەو سەردانەدا ئەردۆغان لەگەڵ جێگری راوێژكاری ئەڵمانیا، وەزیری ئابوریی و وزە، سەرۆكی پارتی سۆسیال دیموكراتی ئەڵمانیا و وەزیری دەرەوەی ئەڵمانیادا كۆ ببێتەوە.