دکتۆر عەبدولرەحمان ئەلراشید وتارێکی لە رۆژنامەی شەرق ئەوسەگ بڵاو کردووەتەوە کە چاودێران بە پەیامی سعودیە تێی دەگەن، چونکە ھەردەم ئەلراشید وەک وتەبێژی سعودیە وتارەکانی بڵاو دەکاتەوە.
ئەلراشید کە نووسەری بەردەوامی رۆژنامە سعودیەکەیە، دوێنێ لە وتارێکدا رایدەگەیەنێت کە پێویستە لەسەر ئەمەریکا کە تێبگات قاعیدە و رێکخراوە بچکوکەکانی دروستی کردون وەک داعش، تاکە ھیوای ملیۆنان سووریە کە لەشوێنی خۆیان ھەڵکەنراون و دەربەدەربوون و بەرەنگاری مردن و سەرما و گوللە دەکەن. ھەروەھا دەڵێ 'لەوەتەی قاعیدە ئەفغانستانی جێھێشتووە لە ٢٠٠١ ھیچ شوێنێکی نەبووە کە داڵدەی بدات و پێشوازی بکات ھێندەی ئێستای سووریا، ئەمەش بەھۆی ئەو کارەساتانەی کوتلەی شەڕ بەسەریان ھێناون کە بریتین لە ئەسەد، ئێران، حیزبوڵلا و عێراق، ھەروەھا بەھۆی بێ ھیوابوونیان بە کۆمەڵگای نێودەوڵەتی'.
جگە لەم نووسەرە سعودیە، لەماوەی رابردوودا حکومەتی سعودیە لەرێگەی راگەیاندنەکانیەوە بەشێوەیەک لە شێوەکان پشتگیری لەو رێکخراوانە دەکات لە دژی بەشار ئەسەد.