لەشەڕی دژ بە ئۆپۆزسیۆن هێزەکانی داعش زیانی پێگەیشت و داوای ئاگربه‌ست دەکات
ئه‌و ڕێكخراوه كه سه‌ر به قاعیده‌یه، كۆنتڕۆڵكردنی شاری ئه‌تاربی له پارێزگای حه‌ڵه‌ب له‌ده‌ستداوه‌و ده‌یان له چه‌كدارانی داعش كوژراون و ده‌ستگیركراون.
بۆ خۆرێکخستنەوەی ریزەکانیشی پێویستی بە کات و ئاگر بەسەست هەیە. به‌پێی هه‌واڵه‌كەی بی بی سی ، ڕێكخراوی ده‌وڵه‌تی ئیسلامی له‌عێراق و شام واده‌ی 24 کاتژمێری داوه‌ته ئۆپۆزسیۆن تا شه‌ڕكردن ڕابگرێت، ئه‌گه‌ر نا ئه‌وا له‌پرۆسه سه‌ربازییه‌كانی دژ به سوپای به‌شار ئه‌سه‌د له شاری حه‌ڵه‌ب پاشه‌كشه ده‌كات.
شایەنی باسە دوێنێ ئەکشەممە توندترین و سه‌ختترین شه‌ڕ له‌نێوان داعش و لایه‌نه‌كانی تری ئۆپۆزسیۆن له شاره‌كانی حه‌له‌ب و ئیدلب به‌رپابوو، كه له‌ماوه‌ی 3 ساڵی ڕابردوودا هاوشێوه‌ی نه‌بووه‌و له ئه‌نجامدا لانی كه‌م 60 چه‌كداری ڕێكخراوه‌كه كوژران و ده‌یانی تریش برینداربوون و ده‌ستگیركران.
