لایه‌نگرانی ئیخوان دوو بینای زانكۆی ئه‌زهه‌ر ده‌سوتێنن
ئه‌و خوێندكارانه له‌ناو زانكۆ و ده‌وروبه‌ریدا له‌گه‌ڵ پۆلیس و هێزه ئه‌منیه‌كان تێكهه‌ڵچوون.
دوێنی هه‌ینیش له خۆپێشاندانی لایه‌نگرانی ئیخوان موسلمین و هێزه‌كانی پۆلیسدا 3 كه‌س كوژراون.
له كاتێكه‌وه محه‌مه‌د مورسی سه‌رۆكی میسر به‌هۆی كوده‌تای سوپا، ده‌سه‌ڵاتی لێ وه‌رگیرایه‌وه، تا ئێسته له نێوان لایه‌نگرانی ئه‌و گرووپه و ده‌سه‌ڵاتدارانی میسر شه‌ڕ و پێكدادان دروست بووه.
له مانگی سێپته‌مبه‌ری رابردووه‌وه ئیخوان موسلمین كار و چالاكییه‌كانی له میسر قه‌ده‌خه كرا و چوارشه‌ممه‌ی هه‌فته‌ی رابردووش ئیخوان موسلمین وه‌ك گرووپێكی تیرۆریستی راگه‌یه‌ندرا و تۆمه‌تی چه‌ند ته‌قینه‌وه‌یه‌كی له میسر و ده‌وروبه‌ری نیلی خرایه پاڵ.
له چه‌ند مانگی رابردوودا ژماره‌یه‌ك له به‌رپرسان و لایه‌نگرانی ئیخوان موسلمین له‌لایه‌ن هێزه ئه‌منییه‌كانی میسره‌وه ده‌ستگیر كراون و ره‌وانه‌ی زیندان كراون.
باسنیوز
