یەكێتی ئەوروپا هۆشداری دەداتە ئەردۆغان
ستیڤان فولە، گوتەبێژی دەستەی فراوانكردنی یەكێتی ئەوروپا لە روونكردنەوەیەكدا رایدەگەیەنێت \"ئەردۆغان بنەماكانی یەكێتی ئەوروپای لەبارەی سەربەخۆبوونی دادگاكان پێشێلكردووە، كە یەكێكە لە مەرجە سەرەكییەكانی ئەندامبوونی توركیا لە یەكێتی ئەوروپا\"".
ستیڤان فولە ئاماژە بۆ ئەوەدەكات، دەركردنی بەرێوەبەرانی پۆلیس و ئەنجامدانی لێكۆڵێنەوە لەگەڵیان، ناچاركردنیان بە پێدانی زانیاری لەبارەی سەرووی خۆیانەوە و ئازاد نەبوونی لێكۆڵینەوەكان، وادەكات كە نیگەرانی زۆر لەبارەی جیانەكردنەوەی دەسەڵاتەكان بكەوێتەوە.
گوتەبێژەكەی یەكێتی ئەوروپا ئەوەشدەخاتەڕوو، پێشووتریش یەكێتی ئەوروپا هۆشداری ئەوەی داوەتە توركیا كە پێویستە سیستەمێكی پۆلیسی دادپەروەر دابمەزرێنێ و ئەم جارە بە گرینگییەوە دووپاتی دەكاتەوە.
رووداو"
