خۆپیشاندانەكانی خەڵكی توركیا لە دژی تێكدانی ژینگە لە ئیستانبۆڵ گۆڕا بۆ خۆپیشاندان لە دژی رەجەب تەیب ئەردۆغان؛ هەندێك لە بەرپرسان و كەسانی نزیكی ئەردۆغان بە تۆمەتی تێوەگڵان بە گەندەڵی تۆمەتبار كران.

شەوی رابردوو ژمارەیەك لە دانیشتووانی شاری ئیستانبۆڵ دووبارە خۆپیشاندانیان سازكرد و داوایان كرد كە پارتی داد و گەشەپێدان خۆی لە گەندەڵی پاك بكاتەوە و بۆ بڵاوەپێكردنیش پۆلیسی گازی فرمێسكرێژی بەكارهێنا.

دەسەڵاتدارانی توركیا 24 كەسیان دەسـتگیركردووە لە چوارچێوەی لێكۆڵینەوەكانی سەر چەند گەندەڵیـیەك. لە نێو دەسـتگیركراوەكان كوڕی دوو وەزیر هەن لەگەڵ بەڕێوەبەری بانكێـكی حكومی. ئەردۆغان دەڵێت ئەمە پـیلانێـكە بۆ لەكەداركردنی حكومەتەكەیەتی.

لەوەتای لەم هەفتەیە ئەم مەسەلەیەی گەندەڵیـیە هاتووەتە ئاراوە، بەدەیان بەرپـرسی پـۆلیسیش لە پـۆستەكانیان لادراون