ئاژانسی هەواڵی سەرقولئەوسەت بڵاوی كردۆتەوە بریار وایە بەچەند تۆمەتی دیكەی محەمەد مورسی سەرۆكی لەكارلادروای میسر و 128 كەسایەتی دیكەی دیاری گروپی ئیخوان موسلیمین لە میسر روبەروی دادگای تاوانەكان لەمیسر بكرێنەوە .

سەرچاوەكە باسی لەوەش كردوە تۆمەتەكە بریتیە لە هەوڵدانی مورسی و ئەو كەسایەتیانەی ئیخوان بۆ شكاندنی زیندانی وادی نەزرون لە شۆرشی كانونی دووەمی 2011 و، هاندانی توندوتیژی و هێرشكردنە سەر بارەگاو ئەفسەرو ئۆتۆمبێلی هێزە ئەمنیەكان و نانەوەی ئاژاوەگێری لەو وڵاتە و بەم پێیە جاری سێیەم دەبێت محەمەد مورسی سەرۆكی لەكارلادراوی ئەو ووڵاتە بەتۆمەتی جیاواز روبەرووی دادگا بكرێتەوە.

جگە لەمانەش، مورسی و سەركردەكانی دیكەی ئیخوان بە ئازادكردنی زیندانییە ئیخوانەكان كە ژمارەیان زیاتر لە 20 هەزار زیندانییە تۆمەتبارن، سەرەرای ئەوەش تۆمەتی تاڵانكردنی بەندیخانە و كارگەكانی بەندیخانەكان و بردنی پەلەوەر و مەڕوماڵاتیان خراوەتە پاڵ.

بڕیاری لێكۆڵینەوە دەربارەی هەڵاتنی زیندانییەكانی بەندیخانەی (وادی نەترون) و بەتاڵانبردنی زیندانەكە و سامانە ئاژەڵییەكەی، لە لایەن كەناڵی جەزیرەوە بڵاوكراوەتەوە.

لە بڕیاری لێكۆڵینەوەكەدا هاتووە، كە مورسی و سەركردەكانی دیكەی ئیخوان، بە پێدانی زەوی میسری بە هاوڵاتییە فەلەستیسەكان تۆمەتباركراون، بەبێ ئەوەی هیچ بەڵگەیەك لەم بارەیەوە لەو بڕیارەدا هاتبێت