لە میسر لە ئاكامی شەڕوپێكدادانی نێوان موسڵمان و مەسیحیەكان 4 كەس كوژران و لە دژی یاسای نوێی خۆپیشاندانەكانیش خۆپیشاندان درێژەی هەیە.

سەرچاوەكانی هەواڵ بڵاویانكردەوە لە ئەنجامی شەڕوپێكدادانی نێوان موسڵمان و مەسیحیەكان لەسەر ململانێی موڵك لە سەرسنوری دووگوندی پارێزگای منیا 2 موسڵمان و مەسیحیەك كوژران و 18ی دیكەش برینداربوون. هەروەها لە روداوێكی دیكەی هاوشێوەیەدا لە گوندێكی دیكەی هەمان پارێزگا كەسێك كوژراو و 7 كەسی دیكەش برینداربوون.

لەلایەكی دیكەوە و لەسەر داوای پارتی پشتیوانی لە حوكمی محەمەد مورسی سەرۆكی لەكارلابراوی میسر دەكات لەچەند پارێزگایەكی میسر خۆپێشاندان دژی یاسای نوێی خۆپێشاندان درێژەی هەیە.

ئاژانسی هەواڵی بی بی سی وێنەی ئەو خۆپێشاندانانی بڵاو كردۆتەوە كە تیای دا قوربانیەكی یاسای نوێ ی خۆپێشاندانەكان بەدەستی خۆپێشاندەرانەوەیە، جێی باسیە لەهەریەك لەشارەكانی قاهیرەو جیزەو دەمیاتی نوێ و مەنیا و سویس و ئەسكەندەریەو چەند ناوچەیەكی باكوری ئەو وولات دەستی پێكردەوە، هێزەكانی ئەمنیش بە گازی فرمێسكرێژ رووبەروی خۆپێشاندەران بونەتەوە.