وڵاتە یەكگرتووەكانی ئەمەریكا ڕایگەیاند، بە هۆی ئەو ڕێككەوتننامەی ناوكییەوە كە ئێران لەگەڵ شەش وڵاتە گەورەكە پێی گەیشتووە، دەتوانێت لە رێگەی هەناردەكردنی بڕەنەوتی سنووردار و فرۆشتنی زێڕ و كانزای گرانبەهاوە، بە ملیار دۆلاری دەست بكەوێت.

لە دۆكیۆمێنتێكدا كە كۆشكی سپی بڵاوی كردووەتەوە و پێوەستە بە ڕێككەوتننامەی كاتیی بەرنامە ئەتۆمییەكەی ئێرانەوە، سزاكانی سەر ئێران سووك دەكرێن كە لەبەرانبەردا ئەو وڵاتە هەندێكی بەرنامە ئەتۆمییەكەی هەڵدەپەسێرێت و بەمەیش چاوەڕوان دەكرێت كۆماری ئیسلامی ئێران، لە ڕیگەی بازرگانیی زێڕ و كانزای گرانبەهاوە و هەناردەكردنی پترۆكیمیاییەكانەوە ملیارێك و نیوی دەست بكەوێت.

هاوكات ڕێ بە كڕیارانی نەوتی ئێران دەدات بەڵام بەو ئەندازەیەی ئێستای و هەروەها ڕێ دەدرێت بە پێدانی 4.2 ملیار دۆلاری فرۆشراوەكانی بە شێوەی قیست، بە مەرجێك ئێران پابەندی ڕێككەوتننامەكەی بێت.