فەرماندەی سوپای بانە لە پارێزگای كوردستان لە ئێران رایگەیاند كە لە شەڕ و پێكدادنێكی نێوان هێزەكانیان و گروپێكی چەكدار لەو پارێزگایە ژمارەیەك چەكدار كوژران و برینداربوون.

لەو بارەیەوە ئەمیر ئەكبەری فەرماندەی سوپای بانە بە ماڵپەری سوپای بەیت و لموقەدەس رایگەیاندووە كە دوای دەستكەوتنی چەند زانیارییەك لەبارەی بوونی گروپێكی دژی شۆڕشی ئیسلامی ئێران هەڵمەتێكی ئەمنییان دەستپێكرد و توانیان ژمارەیەك لە ئەندامانی ئەو گروپە بكوژن و ژمارەیەكیشیان لێ دەستگیركردووە.