بەهۆی خواردنەوەی جۆرێك لە كحولی هیندی لە شاری ئادەم پور لە باكووری هیندستان 32 كەس گیانیان لەدەست دا‌و چەند كەسێكی دیكەش بەهۆیەوە كوێر بوون.

پۆلیسی ئادەمپور لە ناوچەی ئوتاری هیندستان رایگەیاند، بەهۆی ژەهراویبوونەوە ژمارەیەك كڕیار گەیەنراونەتە نەخۆشخانە ‌و 32 كەس لەوانە گیانیان لەدەست داوە‌و 50 كەسی دیكەش لە نەخۆشخانە چارەسەریان بۆ كراوەو چەند كەسێكی دیكەش بیناییان لەدەست داوە.

پۆلیس ئەوەشی خستەڕوو، كە زۆربەی ئەو كەسانەی گیانیان لەدەست داوە كرێكارن و خەڵكی كەم دەرامەتن.

راشیگەیاندووە كوڕی فرۆشیارەكە گیانی لەدەست داوە‌و جگە لە خاوەنی دوكانەكە، چەند پۆلیسێكیش دەستگیركراون، چونكە فرۆشتنی ئەم خواردنەوەیە قەدەخەیە‌ و پێدەچێت فرۆشیارەكە لەگەڵ ئەو پۆلیسانە رێككەوتبێت.






رووداو