سوپای ئەمریکا بەرگی سەربازی پیاوی ئاسنین دروستدەکات
بۆ ئەو مەبەستە سوپای ئەمریکا داوای لە دامەزراوە تەکنەلۆژییەکان کردووە، هاریکاری بکەن لە دروستکردنی ئەو جلەی کە بە بەرگی پیاوی ئاسنین ناسراوە و چەند نموونەیەکی پەیکەری دەرەوەی جلەکانیشی تاقیکردووەتەوە، بەجۆرێک رێگە لە هەڵگرتنی کەرەستە سەربازییەکانیان نەگرێت.
ئەو بەرگە سەربازییە زیرەکە کە بەتالوس ناونراوە، کورتکراوەی دەستەواژەی بەرگی هێرشی تاکتیکییە و سوپای ئەمریکا پێیوایە دەبێت بەتۆڕێکی گەیاندنی فراوان ببەسترێتەوە، وەک چۆن دووربینە زیرەکەکان بە گوگڵ بەستراونەتەوە.
بەرگە سەربازییەکەی داهاتووی سوپای ئەمریکا، ئامێری زیرەکی پێوانەی گەرمی لەش و لێدانی دڵ و رێژەی ئاو لە لەش دیاریدەکات، جومگەی قۆڵەکانیشی پاوەری هایدرۆلیکی پێوە دەبەسترێت بۆ ئاسان جوڵە کردن.
کۆڵۆنیل کارل بورجستەر، راوێژکاری توێژینەوە و پێشخستنی کاروباری ئەندازەیی لە سوپای ئەمریکا، رایگەیاند:\"ئەو بەرگە سەربازییە لە سیستەمێکی تەواو پێکهاتووە، کە گوللەبەندە و چاودێری تەندروستی سەربازەکە دەکات لە رووی تەندروستی و چەکیشی پێوە بەستراوەتەوە\"".
بەرگە سەربازییەکە بە تەنیا لایەنێک دروستی ناکات، بەڵکو چەند دامەزراوەیەکی تەکنەلۆژیا و پیشەسازی بە هەماهەنگی دروستی دەکەن، لەوانە زانایانی پەیمانگای تەکنەلۆژیای ماسا شوسیتس، تیمی ئەو پەیمانگایە کار لەسەر ماددەیەکی شل دەکات بۆ ئەوی لەکاتی بەرکەوتنی موگناتیسی، یان تەزووی کارەبا، ببێتە مادەیەکی رەق و پتەو.
پروفیسۆرێکی پەیمانگای غاریپ ماكینلی، دەڵێت:\""ئەو بەرگە سەربازییە وەک ئەو بەرگە وایە کە لە فیلمەکانی هۆلیۆد دەیانبینین و لە شێوەی پیاوی ئاسنین دەردەکەون، دروست وەک ئەو بەرگەی سیگۆرنی وێفەر لە فیلمی بوونەوەرە نامۆکان کردوویەتییە بەری.
رووداو"
