وته‌بێژی حكومه‌تی میسر رایگه‌یاند، سه‌رۆكی وه‌زیرانی میسر حازم به‌بلاوی پێشنیاری كردوه‌، گروپی ئیخوان موسلمین هه‌ڵوه‌شێته‌وه‌، به‌ڵام له‌ ئیستادا ئه‌و پێشنیاره‌ تاوتوێده‌كرێت، وتیشی، ئه‌و كه‌سانه‌ی رووبه‌رووی هێزه‌ ئه‌منییه‌كان بوونه‌ته‌وه‌ و ده‌ستگیركراون هاوڵاتی پاكستانی و فه‌له‌ستینی و سوری تێدایه‌.



شه‌ریف شه‌قی، وتیشی: سه‌ركرده‌كانی ئیخوان فه‌رمانیان به‌ لایه‌نگرانیان كردوه‌ هێرش بكه‌نه‌ سه‌ر دامه‌زراوه‌ گشتییه‌كان.



ئاماژیدا، ئاشتبوونه‌وه‌ بۆ ئه‌وانه‌ی ده‌ستیان به‌ خوێن پیس نه‌بووه‌، له‌ ئارادایه‌.



شه‌وقی، روونیكرده‌وه‌: ئه‌و چه‌كانه‌ی له‌لایه‌ن ئیخوان به‌كارهاتووه‌ و ده‌ستی به‌سه‌ردا گیراوه‌، به‌ڵگه‌یه‌ كه‌ خۆپیشاندان و مانگرتنه‌كه‌یان ئاشتی و هێمنانه‌ نه‌بووه‌.



ئه‌وه‌شی خسته‌روو: هێزه‌كانی ئه‌منی میسری نزیكه‌ی 500 كه‌سیان ده‌ستبه‌سه‌ركردوه‌، له‌ نێوانیاندا پاكستانی و فه‌له‌ستینی و چوار سوری هه‌یه‌، كه‌ رووبه‌رووی هێزه‌كانی ئه‌منی بوونه‌ته‌وه‌.



وته‌بێژی حكومه‌تی میسر ئاشكراشیكرد: ژماره‌ی كوژراوانی رووبورووبوونه‌وه‌كانی دوێنێ گه‌یشته‌ 144 كه‌س و هه‌زار و 330 كه‌سیش بریندار بوونه‌، كوژراوانی كارمه‌ندانی هێزه‌كانی سه‌ر به‌ حكومه‌ت 57 كوژرا و 563 برینداره‌.






روسیالیه‌وم / س . س