ئەنجوومەنی وەزیرانی مسیر تاو‌وتوێ بڕیاری هەڵوەشاندنەوەی ئیخوان موسلیمین دەكات، بەڵام دەرگای ئاشتەوایی سیاسی هێشتا كراوەیە.

لە رووی مەیدانییەوە هێزە ئەمنییەكانی میسر رایانگەیاند: هەڵیانكوتاوەتە سەر مزگەوتی فەتح لە قاهیرە و ٥٠٠ كەسیان دەستگیركردووە لەنێویاندا پاكستانی هەیە. هەروەها رایانگەیاند، كە توانیویانە محەممەد زەواهیر برای ئەیمەن زەواهیر لە پارێزگای جیزە دەستگیر بكەن .

لە لایەكی دیكەوە پارتی داد و ئازادی لەسەر تۆڕی كۆمەڵایەتی فەیسبووك رایگەیاند: عەمار بەدیع، كوڕە گەوەرەی رابەری ئیخوان لە خۆپێشاندانەكانی دوێنی كوژراوە.

عەمار تەمەنی ٣٨ ساڵە‌و دوێنێ لە گۆڕەپانی رامسیس لە قاهیرە لە رۆژی هەینی تووڕەیی بریندار بوو و ئەمڕۆ گیانی لەدەست دا، بەڵام هێشتا شوێنی محەممەد بەدیع-ی باوكی نادیارە.














رووداو