9ی‌ ئازار/ مارس 2013 (گوڵان میدیا)- بە پێ سەرچاوە دیپلوماتیكییەكانی ئەورووپا، دوای پرۆژە گەمارۆییەكانی ئەمریكا لە دژی ئێران، بریارە حەفتەی داهاتوو یەكێتی ئەورووپایش پرۆژەیەكی نوێ سەبارەت بە گەمارۆدانی ئێران پەسەند بكات.

سەرچاوەكانی هەواڵ گواستوویانەتەوە كە لەم پرۆژەیەدا كە بریارە لە سەرەتای حەفتەی داهاتوودا ئاشكرا بكرێت زیاتر لە 9 بەرپرسی باڵای ئێرانی و چەندین كومپانی و كەسایەتی دیكەی ئێرانی لە لایەن یەكێتی ئەورووپا و هەر 27 وڵاتی ئەندام لەم یەكێتییەدا گەمارۆ دەدرێن و ناویان دەخرێتە نێو لیستی رەشەوە.

جێگای ئاماژە پێكردنە كە پێشتر یەكێتی ئەورووپا زیاتر لە 78 بەرپرسی ئێرانی خستبوو نێو لیستی رەشی خۆیەوە كە زۆربەی هەرە زۆریان بەرپرسی باڵای كۆماری ئێران بوون.