10ی کانوونی یەکەم/دیسەمبەر(گوڵان میدیا)- رۆژنامه‌ی‌ \"الیوم السابع\"" ی‌ میسری‌ بلاویكرده‌وه‌ داواكاری‌ گشتی‌ به‌ نوێنه‌رانی‌ ئاسایشی‌ باڵای‌ ده‌وڵه‌ت فه‌رمانیداوه‌ به‌ لێكۆڵینه‌وه‌ له‌ یاداشتی‌ لیژنه‌ی‌ مافی‌ مرۆڤ له‌ سه‌ندیكای‌ پارێزه‌ران له‌دژی‌ محه‌مه‌د به‌راده‌عی‌ سه‌رۆكی‌ پارتی‌ ده‌ستورو حه‌مدين سه‌باحى و عه‌مرو موسا كاندیده‌كانی‌ هه‌ڵبژارنی‌ پێشووی‌ سه‌رۆكایه‌تی‌ و تۆمه‌تباركردنیان به‌ \""خیانه‌تی‌ گه‌وره‌ و پیلانگێڕان بۆ كوده‌تا به‌سه‌ر شه‌عیه‌تدا\"".

به‌پێی رۆژنامه‌كه‌، له‌ سكاڵاكه‌دا ئه‌و سێ سه‌ركرده‌یه‌كه‌ كه‌ ئێستا رێبه‌رایه‌تی‌ خۆپیشاندانه‌كان له‌دژی‌ بڕیاره‌كانی‌ محه‌مه‌د موسی‌ سه‌رۆكی‌ میسر ده‌كه‌ن، تۆمه‌تباركراون به‌ كۆكردنه‌وه‌ی‌ خه‌ڵك و ئه‌نجامدانی‌ خۆپیشاندان له‌دژی‌ سیسته‌می‌ حكومڕانی‌ و هه‌وڵدان بۆ ده‌ستبه‌راگرتنی‌ كۆشكی‌ كۆماری‌.

لیژنه‌كه‌ داوایكردووه‌ به‌په‌له‌ ئه‌و سێ سه‌ركرده‌یه‌كه‌ ده‌ستگیربكرێن لێكۆڵینه‌وه‌یان له‌گه‌ڵدا بكرێت به‌پێی مادده‌ی‌ 77 له‌ یاسای‌ سزادان.

-NRT"