سوپاى ئازادیی سووریا دەست بەسەر خاڵى ستراتیجیی نێوان حەلەب و سنووری توركیادا دەگرێ
فرزات عەبدناسر كە پێش مانگێك لە رێژیمى سووریا جیا بووەتەوە راى گەیاند، دواى 10 سات شەڕكردنى بەردەوام توانیمان ئەمڕۆ سات 5:00 ی بەیانى خاڵى پشكنینى عەندان رزگار بكەین كە 5 كیلۆمەتر لە باكوری رۆئاواى شاری حەلەبەوە دوورە، مۆنتیكارلۆ گواستییەوە.
لە شەمووى رابردووەوە رێژیمى سووریا بە پاڵپشتى 100 تانك و هەزاران سەرباز و هێزى ئاسمانى هێرشیكى بەرفرەوان و پێچەوانەیان بۆ سەر شاری حەلەب دەست پێ كرد و بۆ گەڕانەوەى ئەو ناوچانەى كە لەژێر كۆنتڕۆڵى ئۆپۆزسیۆندان، لە بەرامبەردا سوپاى ئازاد هەڵمەتێكى شۆڕشیان دەست پێ كردووە بۆ ئازادكردنى تەواى ناوچەكانى ئەو شارە و ماوەى چەند رۆژێكیشە شەڕێكى سەخت لەو شارە درێژەى هەیە.
لەلایەكى ترەوە ئەمڕۆ یەكشەم نەتەوە یەكگرتووەكان راى گەیاند، بەهۆى شەڕ و پێكدادانەكانى حەلەب لە ماوەى ئەو چەند رۆژەدا نێزیكەى 200 هەزار كەس لە شارەكە هەڵاتوون و ژمارەیەكى تریش گیریان خواردووە و بواری راكردنیان نییە.