ڕۆژنامەى زەگاردیانى ئینگلیزى بانگەشەى ئەوە دەكا، بەشار ئەسەد سەرۆك كۆمارى سووریا لە تەقینەوە بەهێزەكەى دوێنێ چوارشەم لە بارەگاى ئاسایشی نەتەوەیی لە دیمەشقى پایەتەختى ئەو وڵاتە بریندار بووە و ئەسماى خێزانى ڕەوانەى ڕوسیا كردووە.
بەپێى ئەو هەواڵەى لە ڕۆژنامەكەدا لە ژێر ناونیشانى \"ئەسەد بریندار بوو و خێزانەكەى لە ڕوسیایە\"" بڵاو بووەتەوە، بەشار ئەسەد لە تەقینەوە بەهێزەكەى دوێنێ چوارشەم لە بارەگاى ئاسایشی نەتەوەیی لە دیمەشقى پایەتەخت بریندار بووە و بەباڵەفڕە گوازراوەتەوە بۆ شارى لازقیە.

دوابەدواى هێرشەكە بەشار ئەسەد، ئەسما ئەسەدى خێزانى بەباڵەفڕە ڕەوانەى ڕوسیایە كردووە، بەگوێرەى هەمان سەرچاوە.

سووریا كە لە چوار ڕۆژى ڕابردوو ببووە گۆڕەپانێكى گەرمى شەڕ و دوێنێ دیمەشقى پایەتەختى ئەو وڵاتە بەهێرشێكى بەهێز لەرییەوە. ئامانجى هێرشەكە بارەگاى ئاسایشی نەتەوەیی بوو و تەلەڤزیۆنى ڕەسمى سووریا كوژرانى عیماد داود عەبودوڵڵا ڕاجیە وەزیرى بەرگرى و ئاسف شەوكەتى جێگرى، وەزیرى ناوەخۆ و سەرۆكى دەزگاى هەواڵگرى ڕاگەیاند.










ئاكانیوز

"