لە هەڵبژاردنە سەرۆكایەتییەكەى میسر لە دەرەوە پێنج كاندید لە پێشەوەن
لە بەیرووت عومر مووسا لە پێشەوەیە و 119 دەنگى بەدەست هێناوە كە دەكاتە 32.6%، عەبدولمونعیم ئەبولفتوح بەپلەى دووەم دێ و 78 دەنگى بەدەست هێناوە، حەمدین سەباحى بەپلەى سێیەم هاتووە و 63 دەنگى هێناوە و پێش ئەحمەد شەفیق (45 دەنگ) و محەمەد مورسی (42 دەنگ)ى داوەتەوە.
لە سوید سەباحى بە پلەى یەكەم هاتووە و 113 دەنگى هێناوە و 5 دەنگ لەپێش ئەبولفتوحەوە دێ، ئەحمەد شەفیقیش بەپلەى سێیەم هاتووە و 73 دەنگى بەدەست هێناوە. مووسا 44 دەنگ و مورسیش 36 دەنگیان هێناوە.
لە عومان 5643 كەس دەنگیان داوە كە دەكاتە 60%ى دەنگدەرانى میسرى لەو وڵاتە، محەمەد مورسی بە پلەى یەكەم هاتووە و پاش ئەویش ئەبولفتوح دێ.
لە دوبەى ئەنجامەكان بەم شێوەیە: ئەبولفتوح 5552 دەنگ، سەباحى 4996 دەنگ، مووسا 4064 دەنگ، مورسی 3902 دەنگ و شەفیقیش 1698 دەنگ.
لە واشنتۆن ئەبولفتوح 882 دەنگ، مووسا 664 دەنگیان هێناوە.
لەبەریتانیا ئەبولفتوح 1300 دەنگ، سەباحى 962 دەنگ، مووسا 907 دەنگ و مورسی 354 دەنگ.
لە پاریس سەباحى 687 دەنگ، شەفیق 667 دەنگ، ئەبولفتوح 652 دەنگ، مووسا 579 دەنگ و مورسی 371 دەنگیان هێناوە.
چوارشەم و پێنجشەمیش هەڵبژاردنەكە لەناو میسر بەڕێوە دەچێ.