توركیا به‌دورى نازانێت وڵاتانى جیهان ده‌ست له‌كاروبارى ناوخۆى سوریا وه‌ربده‌ن به‌مه‌به‌ستى رِاگرتنى توندوتیژیه‌كانى حكومه‌تى سوریا به‌رامبه‌ر به‌ هاوڵاتیان.

ئه‌مرِۆ یه‌ك شه‌ممه‌، به‌رپرسێكى باڵاى توركیا كه‌نه‌یوست ناوى بڵاوبكرێته‌وه‌ به‌ رِۆژنامه‌ى \"حورِیه‌ت\""ـى توركى رِاگه‌یاند: له‌په‌یامه‌كه‌یدا بۆ به‌شار ئه‌سه‌دى سه‌رۆكى سوریا، \""رِه‌جه‌ب ته‌یب ئه‌ردۆگان\"" سه‌رۆك وه‌زیرانى توركیا، ئه‌سه‌دى ئاگاداركردۆته‌وه‌ كه‌ ئه‌گه‌ر به‌رده‌وامبێت له‌سه‌ر به‌كارهێنانى توندوتیژى دژى خۆپیشانده‌ران ئه‌وا چی دی توركیا نابێته‌ هاوپه‌یمانی.

وتیشی: ماوه‌ى 8 مانگه‌ له‌هه‌وڵى قایل كردنى وڵاتانى جیهانین بۆ پێدانى مۆڵه‌تێك به‌ به‌شار ئه‌سه‌د به‌مه‌به‌ستى رِاگرتنى توندوتیژه‌كان دژى گه‌له‌كه‌ى و چه‌ندین جار داوامان لێكردون كه‌ توندوتیژه‌كان رِابگرێت، به‌ڵام ئه‌گه‌ر سوریا به‌رده‌وام بێت له‌سه‌ر سیاسیه‌تى خۆى و توندوتیژى به‌رامبه‌ر گه‌له‌كه‌ى به‌كاربهێنێت، ئه‌وا توركیا نابێته‌ هاوپه‌یمان و هاوبه‌شى.

هه‌روه‌ها سه‌رچاوه‌ هه‌واڵیه‌كانى توركیا ئاماژه‌ به‌وه‌ده‌كه‌ن كه‌ حكومه‌تى توركیا هێزێكى زۆری له‌سه‌ر سنوره‌كانى نێوان وڵاته‌كه‌ى و سوریا كۆكردوه‌ته‌وه‌ به‌مه‌به‌ستى ئاماده‌باشی بۆ رِوبه‌رِوبونه‌وه‌ى هه‌ر رِوداوێكى له‌ناكاو.

سه‌رچاوه‌/شه‌رقولئه‌وسه‌ت"