ژمارەی قوربانیانی هێرشەکانی ئیسرائیل بۆ سەر غەززە گەیشتە ٣٤ هەزار و ٧٣٥ کەس
ئیسرائیل ماوەی ٢١٣ ڕۆژە هێرشەکانی بۆ سەر غەززە بەردەوام بووە و لەم ماوەیەدا ٣٤ هەزار و ٧٣٥ فەلەستینی گیانیان لەدەستداوە.
وەزارەتی تەندروستی فەلەستین لە کەرتی غەززە لە بەیاننامەیەکدا ڕایگەیاند: لە ماوەی ٢٤ کاتژمێری ڕابردوودا ٥٢ فەلەستینیی دیکە کوژراون و ٩٠ی دیکەش بریندار بوون.
بەپێی ئەم ڕاگەیەندراوە، ژمارەی قوربانییان بۆ ٣٤ هەزار و ٧٣٥ کەس زیادی کردووە و ژمارەی بریندارانیش بۆ ٧٨ هەزار و ١٠٨ کەس زیادی کردووە.
لەم بەیاننامەیەدا بە ئاماژەدان بە بوونی تەرمەکان لە ژێر داروپەردوو و لە کەناری ڕێگاکەدا ڕوون کرایەوە کە تیمە پزیشکییەکان و بەرپرسانی بەرگری شارستانی ناتوانن بگەنە تەرمەکان بەهۆی ڕێگریی هێزەکانی ئیسرائیلەوە.
گوڵان: سەردار خەلیل
