بنکەی چاودێری مافەکانی مرۆڤ لەسوریا رایگەیاند، هێزەکانی سوپا و ئاسایشی سوری لە کاتی هێرشکردنە سەر شارەدێی کەناکر 11 هاوڵاتیان کوشتووە.
بەپێی هەواڵێکی ئاژانسی رۆیتەرز ، لەکاتی هەڵمەتەکەچوار تانک و بلدۆزەر چوونەتە شارەدێیەکە کە 30 کم لە دیمشەقی پایتەختەوە دوورە و 14 تانکیش گەمارۆی ناوچەکەیان دابوو.

دانیشتوانی ناوچەکەش بەبەرد و هەڵگیرساندنی ئاگر لە تایەی ئۆتۆمبێلەکان رووبەرووی هێزەکان بوونەوە.

بەپێی سەرچاوەکانی بنکەی مافەکانی مرۆڤ هێزەکانی سوریا لەوهەڵمەتەدا 300 کەسیان دەستگیرکردوە وبەرەو شوێنێکی نادیار گوازرانەوە.