شانۆگەری "برينى هه‌زار ئاواز" لە دەرهێنانی عەلیرەزا ئیسماعیلی لە شاری هەولێر نمایشکرا.

ئەم بەرهەمە شانۆییە كاتژمێر 7ـى ئيواره‌ دوێنێ دووشەممە، به‌ ئاماده‌بوونى وه‌زيرى رۆشنبيرى ولاوان و سه‌ركونسولخانه‌ى گشتى كۆمارى ئيسلامى ئيران و به‌ريوه‌به‌رى به‌ريوه‌به‌رايه‌تىی شانۆى هه‌ولێر، لە هۆڵی میدیا نمایشکرا.

ئەم بەرهەمە شانۆيىە له‌ نووسين و ده‌رهينانى عه‌ليره‌زا ئيسماعيلییە و به‌رهه‌مى گرووپى شانۆيى ئاناهيتاى شارى سه‌قزى رۆژهەڵاتی كوردستانە.

"برينى هه‌زار ئاواز" به‌ هاوكارى به‌ريوه‌به‌رايه‌تیی هونه‌رى شانۆى هه‌ولێر نمايشكرا و وا بڕياره‌ نمایشەکە بۆ دوو رۆژی دیکە بەردەوام ببێت.