رۆژی دووشەممە بە رێوەڕەسمێكی جەماوەری و بە بەشداری ژمارەیەكی زۆر لە خەڵك و نوێنەری پارت و لایەنە سیاسییە كوردییەكان لە ناوچەی قایاپناری ئامەد پەرەد لە سەر پەیكەری رۆبۆسكی لا درا.

لەمبارەیەوە ماڵپەڕی دیاربەكر خەبەر بڵاویكردەوە كە رۆژی دووشەممە بە ئامادەبوونی ژمارەیەك لە كەسوكاری قوربانیانی كۆمەڵكۆژیەكەی رۆبۆسكی، نوێنەر و لایەنگرانی پارت و لایەنە سیاسییەكان و خەڵكێكی زۆر لە گەڕەكی قایاپناری ئامەد پەردە لە سەر پەیكەری رۆبۆسكی لا درا.

ئەو پەیكەرە لە لایەن شارەوانی ناوچەی قایاپنارەوە دروست كراوە و لە رێوەڕەسمەكەدا دایكانی قوربانیانی كۆمەڵكۆژیەكەی رۆبۆسكی رایانگەیاند كە ئەوان تەنیا دایك 34 گەنجی كورد نین كە لەلایەن حكوومەتی توركیاوە كوژراون بەڵكو دایكی هەموو شەهیدانی كورد و كوردستانن.