9ی ئەیلول/ سپتەمبەر(گولان میدیا)- بە بۆنەی پێشوازی كردن لە كرانەوەی قوتابخانەكان و لە ژیر دروشمی هەموو منداڵی یەك نیشتمانین بە بەشداری 12 گرووپی هونەری منداڵانی هەر چوار پارچەی كوردستان، چوارەمین فستیڤاڵی هاوینی نێرگز لە لایەن ناوەندی نێرگز بۆپەروەردەی فیكری و هونەریی منداڵان و مێرمنداڵانی كوردستانی ئێران و گرووپی دۆق شارتەر بۆ هونەری منداڵان ، لە شاری كۆیە و ئامفی تیاترۆی ئازادی بەڕێوەچوو.

شایانی باسە گرووپە بەشدارەكان لە چوار پارچەی كوردستان وەك، گرووپی سترانی منداڵانی باكووری كوردستان، گرووپی مووسیقای منداڵانی رۆژئاوای كوردستان، گرووپە هونەرییەكانی پارێزگاكانی هەولێر و سلێمانی و هەروەها گرووپە هونەرییەكانی منداڵانی رۆژهەڵاتی كوردستان بۆ ماوەی یەك رۆژ لە شاری كۆیە میوانی ناوەندی نێرگز و گرووپی دۆق شارتەر دەبن.

لە كۆتایی فیستیڤاڵەكەدا دیاری بەسەر منداڵە بەشداربووەكان دابەش كرا.