Serokê Konseya Rêveber a KCK'ê Mûrat Karayilan bersiv da nûçeyên “Karayilan ji aliyê Îranê ve hate girtin û hate berdan” ên çapemniya Tirk û got; “Êrişên li ser Rêbertiya me, gerîlayên me, gelê me, siyaseta Kurdan ketine dewrê.

Karayilan got Ligel şerê cesedî şerê psîkolojîk jî tê meşandin. Çapemeniya alîgir a Tirk jî li ser esasê şerê psîkolojîk nûçeyên li ser maseyê amade dike” û wiha domand: “Tevgera Azadiya Kurdistanê îro gihiştiye asteke pir girîng. Hêzên dagirker li hemberî vê sekna tevgera me di nava fikaran de ye. Ji bo paşxistina tevgera azadiyê teknolojiyeke xurt tê bikaranîn.”