Brîtanya li hember vîrusa koronayê di demên xwe yên herî dijwar re derbas dibe û di 24 demjimêrên borî de 1820 kesên pêketî jiyana xwe ji dest dan û zanistan jî serokwezîr Boris Johnson hişyar kirin ku êdî nexwaşxane wek ''Qada şer lê hatine''

Hat ragehandin qedexeyan hejmara pêketinan kêm kiriye, lê amara mirinan a zêde dê bibe sedem ku givaşên ser Xizmeta Netewî ya Tenduristiyê zêde bibe.

Şêwirmendê Zanistê yê hikûmetê Patrick Vallance derbarê rewşa nexwaşxaneyan de ragehand: ''Naha rewş pir xirabe, gelek givaşekî mezin heye. Nexwaşxane wek qada şer lê hatine.''

Serokwezîr Boris Johnson jî ji rojnamevanan re ragehandibû: ''Bi giştî li welat hejmara pêketinan naha geheştiye asta herî bilind û kêm bûnê jî em nabînin raste û aşkeraye êdî divê em vê kontrol bikin.''

Li Brîtanyayê heta naha 3 milyon û 505 hezar û 754 kes bi vîrusa koronayê ketine û 93 hezar û 290 kesên pêketî jî jiyana xwe ji dest dane.

Basnews