Hevpeymaniya Navdewletî ya li dijî DAIŞê karwaneke alîkariyên leşkerî û lojistî derbasî rojavayê Kurdistanê kir.

Rewangeha Sûrî ya Mafên Mirovan belav kir, Hevpeymaniya Navdewletî 35 barhilgirên ku alavên leşkerî û lojistî hilgirtibûn di deriyê Welîd re ji Herêma Kurdistanê derbasî rojavayê Kurdistanê kirin.

Rewangehê diyar kir, beşek ji barhilgiran berên xwe dan Hesekê û beşeke din jî ber bi Dêrazorê çûn.

Roja 10ê vê mehê jî Hevpeymaniya Navdewletî 25 barhilgirên alîkariyên leşkerî û lojistî ji Herêma Kurdistanê derbasî parêzgeha Hesekê kiribû.

Her çend e Serokê Amerîka Donald Trump di Cotmeha 2019an de biryar vekişandina hêzên xwe ji Rojavayê Kurdistanê û Sûriyê dabû, lê ta niha hêzên Amerîka li hin navçeyên Rojavayê Kurdistanê mane û gerên çavdêriyê jî dikin.

K24