Wezîrê Pêşmerge yê Herêma Kurdistanê Şoreş Îsmaîl ragihand; ew ê berdewam bin li ser çaksaziyên Wezareta Pêşmerge û heta niha wan pêngavên baş avêtine. Herwiha eşkere kir ku hemû hewla wan ew e ku hêza Pêşmerge bikin artêşeke niştimanî û yekbûyî.

Şoreş Îsmaîl peyameke vîdeoyî belav kir û tê de pîrozbahî li wan Pêşmergeyên pileya wan hatine bilindkirin kir û derbarê çaksaziyên Wezareta Pêşmerge de axivî.

Îsmaîl pîrozbahî li wan fermandarên Pêmerge yên pileya wan hatine bilindkirin kir û destxweşî û spasî li Serokwezîrê Herêma Kurdistanê û Hikûmeta Herêma Kurdistanê kir ji bo parastina mafên Pêşmergeyan.

Herwiha Şoreş Îsmaîl derbarê peywendiyên Wezarata Pêşmerge û artêşa Iraqê jî de eşkere kir ku ew hewl didin peywendiyan xurttir bikin û rê li ber liv û tevgera DAIŞê li herêmê bigrin û valahiya ewlehiyê bi hev re tijî bikin.

Wezîrê Pêşmerge amaje bi wê yeke jî kir ku ew ê berdewam bin li ser çaksazîyên Wezareta Pêşmerge û heta niha pêngavên baş hatine avêtin û ev yek jî bawerî bi xelkê Herêma Kurdistanê û Hevpeymaniya Navdewletî ya li dijî DAIŞê pêk aniye û ti kes û alî nikare rêliber çaksaziyan bigire û ew ê karên wan ê çaksaziyê bi israr berdewam bike.

Şoreş Îsmaîl da zanîn ew bi yek timî û bi giyanî kar dikin û hemû hewla wan ew e ku hêza Pêşmerge bikin artêşeke niştimanî û yekbûyî.

K24