Li Efrînê 20 girtîgehên nehênî yên eşkencedanê hene

Gulan Media January 10, 2021 Nûçe

Li Efrînê zêdetir ji 20 girtîgehên nehênî yên grûpên çekdar ên di bin fermana artêşa Tirkiyê de kar dikin hene, tê de welatiyên kurd yên tên revandin tên eşkencekirin.

Rêxistina Mafên Mirovan li Efrînê di raportekê de diyar kir, li Efrînê hejmarek ji girtîgehên nehênî yên grûpên çekdaran hene ku ti serweriya yasayan û dadweriyê lê nîn in. Di wan girtîgehan de, welatiyên kurd yên tên revandin, li ser destê wan çekdaran rastî eşkenceyên hovane û kuştinê tên. Ji wan zîndan û girtîehan:

1- Girtîxaneya Veguhestinê li bajarê Efrîn: di destê çekdarên Cebhe El-Şamiyê de ye. Di vê zindanê de girtî bi awayekî hovane têne eşkencekirin û piştre ji bo zindana Sico li Ezazê têne veguhestin.

2- Girtîxaneya gundê Beradê Ew berê weke Berageheke mezin bû, lê niha kirine zindan û ew jî di bin destê Cebhe Şamiyê de ye û girtiyên navenda bajêr tê de dimînin, bi taybetî girtiyên jin, li wir jî girtî rastî eşkenceyên gewdeyî û derûnî yên hovane tên.

3- Girtîxaneya Dibistana Keramê: Ev dibistan ji kevintrîn dibistanên Efrînê tê naskirin, ew di bin destê Feyleq El-Şam de ye û tê de beşeke taybet bi girtiyên jin heye ku girtî bi giştî tê de têne eşkencekirin.

4- Girtîxaneya Dadgehê: Li heman dadgeha berê ye û taybet e bi girtiyên jin û di bin destê çekdarên Cebhe Şamiyê û MÎT a Tirkiyê de ye, girtiyên jin ji her devereke Efrînê tê de hene.

5-Girtîxaneya gundê Tirundê: Di bi destê Mîta Tirkiyê de ye û ji zindanên veşartî yên herî xirab tê zanîn, li wir jî girtî I awayekî hovane têne eşkencekirin.

6- Girtîxaneya dibistana Ezhar Efrîn a taybet li Efrînê: Çekdarên Ehrar El-Şerqiyê wê birêve dibin û MÎTa Tirkiyê jî serpereştiyê dike, piraniya girtiyan ji xelkê bajêr û gundên Efrînê ne.

7- Girtîxaneya dibistana El-Îtîhad El-Erebî li Efrîn: Çekdarên Cebhe Şamiyê birêve dibin û tê de beşekie taybet bi girtiyên jin heye, piştre ev zindan bû navendeke leşkerî.

8- Girtîxaneya Taxa Eşrefiyê: Ew bi xwe maleke kevin e û di destê çekdarê bi navê Ebû Idrîs de ye. Di vê girtîxaneyê de 4 ode hene, ku 2 ji wan ji bo girtiyan e û hejmara wan digihe 50-60 kesî jî.

9- Girtîxaneya Taxa Mehmûdiyê: Çekdarên Hemzat vê zindanê birêve dibin û tê de bi dehan girtî hene, jê 2 ode taybet bi girtiyên jin in.

10- Girtîxaneya Taxa Vêlat: Ew bi xwe malek e û çekdarên Ehrar Şerqiyê wê birêve dibin.

11- Girtîxaneya dibistana Emîr Xubarî: MÎT a Tirkiyê bi hevkariya çend fermandarên grûpên çekdar birêve dibe. Tê de lêpirsîn bi kesên ku berê bi Rêveberiya Xweser re kar kiribûn tê kirin.

12- Girtîxaneya gundê Basûtê: Herwiha bi Zindana Kelehê tê naskirin û çekdarên Hemzat wê birêve dibin û piraniya girtiyan ji deverên di bin kontrola wê girûpê de ne.

13- Girtîxaneya gundê Xirêba Şera: Pêştir di destê çekdarên Sultan Murad de bû, niha jî bûye zindanek di destê Polîsa leşkerî û Polîsa sivîl de ye.

14-Girtîxaneya gundê Kefercenê: Di destê Cçekdarên Cebhe de ye, girtiyên nikariibin fidyeya berdanê bidin, li wir têne kuştin, ji ber ku 15 heta 20 hezar dolar ji wan dixwazin. Di vê zindanê de girtîne hene bêtirî 2 salan li ser girtina wan derbas bûye, lê nayin dadgehekirin û ji bo polîsa leşkerî û polîsa sivîl jî neyin veguhestin. Ew grûp li wan girtiyan xwedî dernakevin û red dikin li cem wan in jî.

15- Girtîxaneya gundê Şingêlê-Navçeya Bilbilê: Zindan maleke biçûk e û di destê çekdarên Hemzat de ye ku gundên Şingêlê, Zeerê, Elî Karo û Bêkê kontrol dikin. Zindan bi xwe berê axirek bû û niha di vê zindanê de eşkenceyên hovane bi derheqê girtiyan tê kirin, wek kehrebe, blanko, dolab, danîna hesinekî di navbera herdu destên kesê girtî de, Bense ji bo hilkirina dirnaqan, şewitandina bi cixaran, kebla 4 xetî, ji ber vê eşkenceya hovane, gelek girtî ker û filîçî bûne.

16- Girtîxaneya Meydan Ekbes-Navçeya Reco: Çekdarên Feyleq El-Şam bi serpereştiya MÎTa Tirkiyê birêve dibe, nêzîkî sînorê bi Tirkiyê re hatiye avakirin û têra 350-400 girtî dike û ji 10 odeyan pêk tê. Piştî eşkencekirin û lêpirsîna seretayî, girtî ji bo Tirkiyê têne veguhestin.

17- Girtîxaneya Mihetê(Wîstgeh)-Navçeya Reco: Di destê çekdarên Ehrar El-Şerqiyê de ye. Piraniya girtiyan ji xelkê navçeyê ne û bi zindana herî xirap li navçeyê tê naskirin.

18- Girtîxaneya gundê Kûra-Navçeya Reco: Girtîgeheke biçûk e, ew maleke nêzîkî gund e û di destê çekdarên Feyleq El-Şam de ye.

19- Girtîxaneya Şiyê-Navçeya Şiyê: Bi Zindana Ebû Emşe tê naskirin, ji navê fermandarê girûpa wê deverê kontrol dike hatiye, eşkenceyên hovane tê de tê kirin.

20- Girtîxaneya gundê Qermitliq-Navçeya Şiyê: Çekdarên Mihemed Casim (Ebû Emşe) fermandarê girûpa Sultan Silêman Şah wê birêve dibin. Di vê zêndanê de çend girtî di dema eşkenceyê de bi guleyan hatine kuştin.

Bajarê Efrînê ku ji 18ê Adara 2018an ve ji aliyê artêşa Tirkiyê û grûpên çekdar yên opozîsyona Sûriyê ve hatiye dagîrkirin, li gor zanyariyên çalakvanan, heta niha zêdetir ji 6500 welatiyên kurd hatine revandin û li ser destê grûpên çekdara rastî eşkenceyên hovane tên.

K24

Li Efrînê 20 girtîgehên nehênî yên eşkencedanê hene

You May Also Like

Erdogan li ser bûyerên li Qeyseriyê axivî

Koçberên Şingalê yên vedigerin ji hemû xizmetguzariyan bêpar dimînin

Xwepêşandanên li dijî Tirkiyeyê gur dibin: Tirkiye hêzên zêde dişîne

Nêçîrvan Barzanî li Viyanayê bi Alaya Kurdistanê hat pêşwazîkirin

Hevpeymaniya Îdareya Dewletê tekezê li ser pêkanîna hikûmetên xwecihî li Kerkûk û Diyalayê dike

KCKyê li ser şewatên li Hewlêr, Dihok û Kerkûkê daxuyanî da

Latest Nûçe

Erdogan li ser bûyerên li Qeyseriyê axivî

Koçberên Şingalê yên vedigerin ji hemû xizmetguzariyan bêpar...

Xwepêşandanên li dijî Tirkiyeyê gur dibin: Tirkiye hêzên zêd...

Nêçîrvan Barzanî li Viyanayê bi Alaya Kurdistanê hat pêşwazî...

Hevpeymaniya Îdareya Dewletê tekezê li ser pêkanîna hikûmetê...

KCKyê li ser şewatên li Hewlêr, Dihok û Kerkûkê daxuyanî da

Featured Posts

Erdogan li ser bûyerên li Qeyseriyê axivî

Koçberên Şingalê yên vedigerin ji hemû xizmetguzariyan bêpar...

Xwepêşandanên li dijî Tirkiyeyê gur dibin: Tirkiye hêzên zêd...