Berpirsê baskê PDKê li Şingalê ragehand, çekdarên ser bi Partiya Karkerên Kurdistanê (PKK)ê li Şingalê di çarçoveya milîsên Heşdî Şeibî de kar dikin û rê li geheştina alîkariyan bo xelkê Şingalê digrin.

Berpirsê baskê 17ê yê PDKê li Şingalê Qadir Qaçax ji BasNewsê re ragehand: ‘’PKK piştî têkdana meydana xebata bakur, rojava û rojhilatê Kurdistanê plana wê heye bo têkdana rewşa başûrê Kurdistanê, lê ew xewna wê pêknayê.’’

Qadir Qaçax ragehand, birgehên taybet bo derxistina PKKê li Şingalê, ku Hewlêr û Bexda di çarçoveya rêkeftinekî de li ser peyman danîbûn, nehatine bicîhanîn. Rojane PKK êş dide xelkê û bacê ji wan werdigre.

Navborî amaje bi wê yekê jî kir, ku çekdarên PKKê nasnameya milîsên Heşdî Şeibî di berîka wan de ye û alîkarî ji wan milîsan werdigrin û mûçeyê wan li ser wan e.

Li gor Qadir Qaçax, PKKê gelek grub bi navên cuda li Şingalê ava kiriye, ku bi cilên sivîl aloziyê li bajar derbixin û rê nedin rewşa wî bajarê Kurdistanê aram bibe.

Basnews