Li bajarê Wanê yê Bakûrê Kurdistanê erdhejek bi hêza 4.7 rîxterê qewimî û li çend bajar û navçeyên derdorê jî hest bi erdhejê hat kirin.

Navenda rewşên awarte ya Tirkiyê (AFAD) ragihandiye, şeva borî saet 00:58 li qezaya Tuşba ya Wanê erd hejiya, hêza wê jî 4.7 rîxter bûye û di kûrahiya 9.20 kîlometriya erdê de çêbûye.

Li gor zanyariyan, li parêzgehên Îdir, Colemêrg û Agirî yên Bakûrê Kurdistanê hest bi erdhejê hatiye kirin.

Ji ber erdhejê, niştecihên Tuşbayê û bajar û bajarokên derdorê bo demekê derketin kolan û cadeyan.

Parêzgarê Wanê, Mehmet Emin Bilmez derbarê erdhejê de li ser hesabê xwe yê twitterê ragihandiye, li gor agahiyên destpêkê di encama erdheja li Tuşbayê de ti zirarên canî û madî nehatine tomarkirin, lê tîmên taybet li gund û taxan digerin û ji bo zanîna ziraran lêkolînan dikin.

Basnews