Wezareta Berevaniyê ya Rûsyayê dibêje agirbesta Nagorno-Karabaxê hatiye binpêkirin û çend berpirsên agahdarê rewşê ji medya Almanî re gotine, artêşa Azerbaycanê êrîşî kampeke herêmê kiriye û çend serbazên bi esil Ermenî hatine kuştin.

Mehek piştî rawestandina şer li Herêma Nagorno-Karabaxê, careke din Ermenîstan û Azerbaycan hevdû bi binpêkirina agirbestê tohmetbar dikin.

Wezareta Berevaniyê ya Ermenîstanê ragihand ku careke din artêşa Azerbaycanê êrîşî du gundên başûrê Nagorno-Karabaxê kiriye û dibêje, bersiv tê dayîn lê hûrgiliyên bersivdanê nehatine eşkerekirin.

Li beramber Serokê Azerbaycanê Îlham Aliyev, Ermenî bi binpêkirina agirbestê tohmetbar kirin û got, planeke serbazî ya Ermenîstanê bo êrîşkirinê hebe vê carê bi tevahî wan têkdişkînin.

Îlona îsal li ser Nagorno-Karabaxê şer di navbera Ermenîstan û Azerbaycanê de derket, ji herdu aliyan zêdeyî 5600 kes hatin kuştin û heta 10ê Mijdarê bi navbijêniya Rûsyayê rêkeftina agirbestê hat kirin û dawî li şer hat anîn.

Rudaw