Parêzgarê Necefê ragehand ku ji bo sûdwergirtin ji proje û avadankirinan serdana Herêma Kurdistanê dikin û pêywendiyan bihêz dikin.

Li gor daxuyaniyeke parêzgarê Necefê Yûsif Kinawî, li gel Serokê Nûnertiya Hikûmeta Herêma Kurdistanê Faris Îsa li Bexdayê civiyaye û hevkariya di warên navendkirinê û veberhênan û geştiyariyan de gotûbêj kirine.

Parêzgarê Necefê li konfiranseke rojnamevaniya hevbeş a li gel Nûnerê Hikûmeta Herêma Kurdistan li Bexdayê ragehand: “Me li gel Nûnerê Hikûmeta Herêma Kurdistanê behsa asoya hevkariya navbera Parêzgeha Necef û Hikûmeta Herêma Kurdistanê kir, herwa me behsa mekanîzmaya hevkarî û karobarên hemwelatiyan jî kir.”

Parêzgarê Necefê herwaha ragehand: “Di derfeteke herî nêzde emê serdana Herêma Kurdistanê bikin û li gel berpirsên Hikûmî û Îdarî bicivin, ji bo sûdwergirtin ji proje û agahdarbûn li wan geşepêdan û avadankirina ku li Herêma Kurdistanê heye.”

Herwaha got, “Biryare berpirsên Herêma Kurdistanê serdana parêzgeha Necefê bikin, bo bihêz kirina navbera herdûaliyan.”

Faris Îsa ji aliyê xwe ve li Bexdayê ragehand: “Me li gel parêzgarê Necefê gelek mijarên taybet bi xelkê Herêma Kurdistanê û Necefê gotûbêj kir û ji bilî çawaniya hevkarîkirina bi mebesta pêşkêşkirina baştir ya xizmetkirina bo hemû Iraq, ji wan jî parêzgarê Necefê di warê avahîsazî û veberhênanê û geştûguzarê de nirxandin.”

 

 

Basnews